თანდათან იხვეწება ჩემი ,,ციცინათელების'' გემოვნება. სხვადასხვა ჟანრის ლიტერატურას სიამოვნებით ეცნობიან და კლასის წინაშე პრეზენტაციებს აწყობენ: საუბრობენ რა მოეწონათ,რას შეცვლიდნენ და რატომ ურჩევენ მეგობრებს მის წაკითხვას. ისინი სკოლის ბიბლიოთეკის აქტიური მკითხველები გახდნენ.

დღევანდელი მეცადინეობა სახალისო მათემატიკას მივუძღვენით. ჩვენი მიზნი იყო სწავლა თამაშით. მიზანს მივაღწიეთ კიდეც - ჩემი პატარები გაერთნენ და ამავე დროს სწრაფი და სწორი ანგარიშის უნარის განვითარებაზეც ვიზრუნეთ.

გაიმართა ქართული ენის წრის ,,ჩვენი ქართული - სიტყვაქარგული'' მორიგი შეხვედრა. დღევანდელი მეცადინეობა მიზნად ისახავდა  შესწავლილი მეტყველების ნაწილების პოვნას.  დიდი ხალისით ითამაშეს ,,იპოვე შენი სახლი''. 

            დღევანდელი წრის მუშაობის მიზანი სინონიმები და ანტონიმები იყო. შეხვედრის დასკვნით ეტაპზე ითამაშეს ,,სინონიმთა და ანტონიმთა წრე''.  ბოლოს კი  ძალიან საინტერესო დასკვნა გააკეთეს: ,, თუ ბევრ წიგნს წავიკითხავთ, ბევრი სიტყვა გვეცოდინება და აღარ გაგვიჭირდება თამაში''. იმედი მაქვს ეს ,,აღმოჩენა'' აისახება ჩემი პატარების დაინტერესებაზე  და მეტი მონდომებით შევუდგებით ლექსიკის დახვეწასა და გამდიდრებას.

     დღეს ციცინათელების კლუბში ძალიან საინტერესო პრეზენტაციები გვქონდა. ჩემი პატარები გაიზარდნენ და სერიოზული ლიტერატურის წაკითხვა და განხილვა დაიწყეს.

დავიწყეთ ოსკარ უაილდის შემოქმედების გაცნობა - წავიკითხეთ ,,ბედნიერი უფლისწული''. სევდიანმა ზღაპარმა დიდი შთაბეჭდილება მოახდინა ბავშვებზე და მე კი სიამოვნებით  ვიმოგზაურე ბავშვობაში...

დღევანდელი წრის მეცადინეობა გადატანის წესებსა და მათ პრაქტიკულ მნიშვნელობას მიეძღვნა.

ძალიან იხალისეს ჩემმა მეოთხეკლასელებმა წრის მეცადინეობაზე.