დღეს წავიკითხეთ და განვიხილეთ სურმავას ,,უკუღმა ბიჭი''. კლუბის წევრებმა ისაუბრეს მოსმენილის შესახებ, ზოგმა შეიცნო კიდეც  თავი და მოიყვანეს საკუთარი გამოცდილებიდან მაგალითებიც. რაც მთავარია ამოიცნეს მოთხრობაში არსებული პრობლემა და ისაუბრეს მისი დაძლევის გზებზეც.
         მოიტანეს ერთი კვირის განმავლობაში წაკითხული ნაწარმოებებიდან ამონარიდები და ნახატები. უნდა აღინიშნოს,რომ რაც დრო გადის,მით უფრო მეტად საინტერესო და მრავალფეროვანი ხდება პატარა პრეზენტატორების პრეზენტაციები.

დღევანდელი დღე გამორჩეული იყო როგორც საუკეთესო პრეზენტატორების სიმრავლით,ისე საპრეზენტაციო მასალის მრავალფეროვნებით. კლუბის წევრებმა ერთმანეთს გაუზიარეს ერთი კვირის მანძილზე წაკითხული მხატვრული და საინფორმაციო ტექსტების შესახებ შთაბეჭდილებები.მისასალმებელია ისიც,რომ იმატა სასკოლო ბიბლიოთეკით მოსარგებლე მოსწავლეთა რაოდენობამ.

            დღეს მორიგი შეხვედრა ჩავატარეთ. წავიკითხეთ ვ. გულეურის ,,ჩურჩხელები''. კლუბის წევრებმა ისაუბრეს საკუთარი გამოცდილების შესახებ;რა როლს ასრულებენ ოჯახში, როცა ბებო ჩურჩხელებს ავლებს.
          დღევანდელი დღე იმითაც იყო საინტერესო და გამორჩეული,რომ კლუბის წევრებმა გააკეთეს ერთი კვირის განმავლობაში წაკითხული კლასგარეშე ლიტერატურის პრეზენტაცია. პრეზენტატორები საუბრობდნენ თუ რა მოეწონათ, რას შეც

  ვლიდნენ წაკითხულში და ასაბუთებდნენ იმასაც,რატომაა საჭირო ამ მოთხრობების წაკითხვა.

ორი საგაკვეთილო საათი დაეთმო ი.გოგებაშვილის საინფორმაციო ტექსტის,,ფუტკარი'' გაცნობას.ისაუბრეს ფუტკარზე,როგორც ყველაზე მეტად სასარგებლო მწერზე. იმუშავეს მაორგანიზებელ სქემაზე ,,ვიცი,გავიგე,მინდა გავიგო''.ნახეს ვიდეო რესურსები.

        პედაგოგთა გარკვეული ნაწილი მიიჩნევს,რომ კლუბში მუშაობა ნაადრევია დაწყებითი კლასების მოსწავლეებისთვის; უმჯობესია ვიმუშაოთ კითხვის ტექნიკის დახვეწაზე.

         მე კი მიმაჩნია,რომ სწორედ დაწყებითი კლასიდან,კერძოდ მესამე კლასიდან, უპრიანია რომ ბავშვებს შევაყვაროთ  წიგნი და უშუალოდ კითხვის პროცესი;გავაცნოთ განსხვავებული ჟანრის ლიტერატურა; დაეუფლონ დებატების კულტურას და ეს ყველაფერი მოხდეს საინტერესოდ და სახალისოდ.

       დაწყებით კლასებში წიგნის პოპულარიზაცისთვის დაფუძნებული კლუბები კარგა ხანია აპრობირებული და ექსპერტების მიერ წახალისებული და მოწონებულია ევროპასა და ამერიკის შეერთებულ შტატებში. ჩვენს ქვეყანაში კი პოპულარიზაციას უწევს საქართველოს დაწყებითი განათლების პროექტი G-PRIED. დეტალური ინფორმაციისთვის დაინტერესებულ პირებს შეუძლია ეწვიოს ვებპორტალს: www.kargiskola.ge

 

                                                       ჩოხატაურის N1 საჯარო სკოლის პედაგოგი

                                                       კლუბის ,,ციცინათელები’’ ხელმძღვანელი:ი. კუჭავა

შედგა კლუბის ,,ციცინათელები'' მორიგი სამუშაო შეხვედრა. კლუბის წევრებმა ისაუბრეს  პიესის სტრუქტურაზე.  როლების განაწილების შემდეგ  წაიკითხეს ,, შურდულა''. შემდეგ კი ჯგუფებში შექმნეს კომიქსები და გააკეთეს პრეზენტაციები.

კლუბის ,,ციცინათელები'' წევრები დიდი ინტერესით შეუდგნენ  მუშაობას. გაეცნენ მხატვრულ ტექსტს,,ფოტოაპარატი''. ისაუბრეს ფოტოაპარატის  დანიშნულებაზე და თავადაც გადაიღეს ორიგინალური ფოტოები. აქვე გაჩნდა იდეა,რომ შექმნან ელექტრონული ჟურნალი,სადაც გამოაქვეყნებენ ფოტოებს.

                       კლუბში  გაწევრიანების

          მსურველთა  განაცხადის ფორმა

სახელი, გვარი ...........................................................................

სკოლა ........................................................................................

კლასი ..................................................................................................

საკონტაქტო ინფორმაცია

(მისამართი, ტელეფონი)...........................................................

ჩემი ინტერესები .......................................................................

რატომ მინდა გავხდე კლუბის წევრი,რა მოლოდინები მაქვს

კლუბის მუშაობასთან დაკავშირებით.....................................

..............................................................................................................

..............................................................................................................

სურვილი მაქვს გავხდე კლუბის წევრი . გთხოვთ, ჩამრიცხოთ კლუბში ,, ციცინათელები''

თარიღი : ........................................................................

                         კლუბის ,, ციცინათელები’’ სამუშაო     გეგმა

                                         I - სემესტრი

	თემა	რიცხვი	რესურსი
1	ფოტოაპარატი -ხ.კალატოზიშვილი( მხ.)	26.09	წიგნი; დაფა; ფოტოაპარატი.
2	შურდულა - ნ.ფურცელაძე(პიესა)	03.10	ინდივიდუალურად სალკითხავი ტექსტი
3	ფუტკარი - ი.გოგებაშვილი(საინფ.)	10.10	ფოტო და ვიდეო რესურსები
4	ჩურჩხელები -ვ.გულეური(მხ.)	17.10	დურცლები,ფერადი ფანქრები
5	დაკარგული პაიკი - პ.პაპავა(მხ.)	24.10	დაფა,მარკერი ფლიფჩარტი
6	უკუღმა ბიჭი -ნ.სურმავა(მხ.)	31.10	ფერადი ფურცლები,თაბახის ფურცლები მაკრატელი წებო
7	ჭიანჭველები - ი.გოგებაშვილი(საინფ.)	07.11	ფოტო და ვიდეო მასალა
8	ფერები - პ.პაპავა(მხ.)	14.11	თაბახის ფურცლები და ფანქრები
9	იოთამ ზედგინიძე -ი.გოგებაშვილი.	21.11	ინდივიდუალურად სალკითხავი ტექსტი
10	თებრო -რ.ინანიშვილი(მხ)	28.11	დაფა,ცარცი
11	ვაშლის ხე და ბიჭი-შელ სილვერსტაინი(ზღაპარი)	05.12	მარკერი,ფლიფჩარტი,თაბახის ფურცლები,ფერადი ფანქრები.
12	მუხა - რ.ინანიშვილი	12.12	დაფა,ცარცი
13	პატარა უფლისწული-ანტუან დე სენტ–ეგზიუპერი	19.12	წიგნი
14	თავდადებული ღვდელი თევდორე	26.12	ინდივიდუალურად საკითხავი ტექსტი

           

    ჩოხატაურის რაიონის აკდ.ნ.მარის სახელობის N1 საჯარო სკოლის

დაწყებითი (I-IV) კლასების კათედრასთან არსებული წიგნისმოყვარულთა კლუბის ,,ციცინათელები’’

                          წ ე ს დ ე ბ ა

     მუხლი 1. დებულებით რეგულირებული ურთიერთობები

          დებულება განსაზღვრავს კლუბ ,,ციცინათელების'' ძირითად პრინციპებს, საქმიანობის მიმართულებებს, კლუბის ხელმძღვანელის, წევრის უფლება-მოვალეობებს.

მუხლი2. მკითხველთა კლუბის მიზნები და ამოცანები

კლუბის მიზანი :

·         წევრებმა ხშირად იკითხონ ასაკის შესაბამისი განსხვავებული ჟანრის ლიტერატურა;

·         ერთმანეთს გაუზიარონ მოლოდინები,აზრები,შთაბეჭდილებები;

·         კითხვა ჩვევაში გადავიდეს;

·         წაკითხული სიღრმისეულად გაიაზრონ,იმსჯელონ,შეაფასონ;

·         ჩამოუყალიბდეთ დისკუსიისა და შემოქმედებითი აზროვნების, საკუთარი აზრის წერილობითი გადმოცემის უნარების განვითარება.

მუხლი 3. კლუბის ფუნქციები:

Ø  . განსხვავებული ჟანრის  წერილობითი ნაწარმოებების  წაკითხვა;

Ø   მოცემული ინფორმაციის გაგება- გააზრება;

Ø  სხვადასხვა აქტივობის დაგაგმვა-განხორცელება;

Ø  შეხვედრების, წაკითხული ლიტერატურის განხილვების ორგანიზება.

განსახორციელებელი აქტივობები:

• ,,იდუმალი ყუთი’’ - მიზანი : ზეპირმეტყველების, ლოგიკური აზროვნების, შემოქმედებით, არგუმენტირებული მსჯელობის, ამა თუ იმ ნივთის ფუნქციური დანიშნულების  ახსნის უნარის განვითარება;
• ,, დავხატოთ-აღვწეროთ-დავწეროთ’’ - მიზანი : წერითი   და ზეპირიმეტყველების, შემოქმედებითი და კიხვის უნარის, ტექსტის ანალიზისა და დეტალებზე კონცენტრირების უნარ-ჩვევების გამომუშავება.
• ,,თხრობა სხვადასხვა ინტერპრეტაციით,, - მიზანი:  გამოუმუშავდეთ  ნაწარმოების მოკლე შინაარსის, დეტალური თხრობისა და კონკრეტული ეპიზოდის თხრობის უნარი.
• სინონიმთა და ანტონიმთა წრე - მიზანი: ყურადღების კონცენტრაციის ინარის განვითარება და ლექსიკური მარაგის გამდიდრება.
• დიორამა -მიზანი:მიზანი: ტექსტის შინაარსის საფუძვლიანი გაგება.
• გაყინული ეპიზოდი - მიზანი: პერსონაჟის ხასიათისა და დრძნობების გადმოცემა ჟესტებითა და მიმიკით.
• აფიშა- მიზანი: შემოქმედებითი უნარ-ჩვევების განვითარება.
• საინფორმაციო ტექსტების გაგება-გააზრება.
• ,,სიტყვების აწყობა’’-მიზანი: სიტყვის დეკოდირებისა და გაანალიზების უნარის გამომუშავება; ფონოლოგიური უნარების განვითარება-დახვეწა.
• ზღაპრის ჩარჩო - მიზანი: წერითი მეტყველების განვითარება და მოსწავლეთა თვითგამოხატვის ხელშეწყობა.
• კითხვის შემდეგი მეთოდები:კითხვის მატარებელი,ფრაზებად კითხვა, კითხვა წყვილებში,გამეორებითი კითხვა,ხმამაღლა კითხვა შეცდომებით,მკითხველთა თეატრი,სიმღერის ტექსტის კითხვა,კითხვა უცნაური ხმებით, სუპერსიჩქარე,მოსწავლეთა აუდიოჩანაწერების მოსმენა და განხილვა.

ტექსტის გაგება-გააზრების აქტივობები: პირველი სტრიქონები,მოლოდინების გზამკვლევი,პერსონაჟის რუკა, მოზაიკა,ოთხი კუთხე,5 კითხვა,დაფიქრდი-დაწყვილდი-გაუზიარე,შეჯამების ბურთი, ტექსტი ამბობს-მე ვფიქრობ-ამიტომაც, ხუთი ყველაზე მნიშვნელოვანი რამ,თოვლის გუნდები,კომიქსი.

მუხლი 4. კლუბის წევრი

v  წევრობა არის ნებაყოფლობითია;

v  კლუბის წევრი შეიძლება გახდეს მოსწავლე,რომელიც გამოთქვამს გაწევრიანების სურვილს.

v  ისარგებლოს მკითხველთა კლუბის ყველა რესურსით.

მუხლი 5. კლუბის ხელმძღვანელი

,,ციცინათელებს'' ხელმძღვანელობს დაწყებით კლასების პედაგოგი რომელიც წარმოადგენს განაცხადსა და სამოქმედო გეგმას.გამოხატავს ინიციატივას,წარმართავს საკლუბო  მუშაობას.

კლუბის სამუშაო პერიოდი

o   კლუბი იმუშავებს 2018-2019 სასწავლო წელს.

o   კლუბი იფუნქციონირებს კვირაში ერთხელ,საგაკვეთილო პროცესის დასრულების შემდეგ.

                                 კლუბ ,,ციცინათელების ,, ორგანიზატორი და ხელმძღვანელი

                                 დაწყებითი კლასების პედაგოგი:ირმა კუჭავა